ا
 
الرئيسيةالبوابةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 رخامه وانتا في الكلية (منقول)

اذهب الى الأسفل 
كاتب الموضوعرسالة
hiysam_DJ



عدد الرسائل : 18
الدوله : 0
الدوله : 0
تاريخ التسجيل : 12/12/2007

مُساهمةموضوع: رخامه وانتا في الكلية (منقول)   الإثنين ديسمبر 17, 2007 12:58 pm

اخدنا مع بعض الحصة اللي فاتت
بعنوان(سنه اولى رزاله)
واتعلمنا ازاي نبقي رذلين في الأتوبيس


انهاردة هنتعلم الرذالة في الكلية


مش عاوز صوت


اللي هيتكلم هيقف طول الحصة ولو اتكلم تاني هيطلع بره المنتدي


*_*_*_*_*_*_*_*_*_*_*_*


ازاى تبقى رذل فى الكلية


*_*_*_*_*_*_*_*_*_*_*_*


فى الكلية هتقابل صاحبك وهتقعدوا على أى كافيه
هيجى الجارسون سيب صحبك يطلب الأول وبعدين استلم الجارسون بقى واديله نصيبه
قوله عندك برجر ؟ هيقولك اه
قوله حلو ؟ هيقولك تمام
قوله اوك يبقى اكتب واحد شاورمة
طب عندك كبده ؟ هيقولك ايوة قوله معمولة ازاى ؟
سيبه يرغى شوية وقوله انا اصلا مبحبش الكبدة فكك
حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل
أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها
المهم حاول تجيبله جفاف عقبال ماتطلب اللى انت عايزه
وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى
لو معاك كاتشب مفيش مانع تكتب أول حرف من اسمك على التربيزة المهم تخليله التربيزة شبه التورتة
ومتنساش تعيب على الأكل وأنت بتحاسب وكمان تقول الحساب غالى


*_*_*_*_*_*_*_*_*_*_*_*






فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن
يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك
أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم
لو مسكتش أنا هقول للدكتور والحركة دى رذلة ومستفزة جدا بس اشطه يعنى
وياسلام لو واحد وواحدة يبقى أنت كده جبت من الآخر
لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض
استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت
طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا




*_*_*_*_*_*_*_*_*_*_*_*



عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد
هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم
لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش
ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص
لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر
خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى أعمل أيه بالظبط لحد ماتشل أكبر عدد ممكن
وبكده يبقى أنت مارست هوايتك وقضيت يوم رذل.




والحصة الجاية تجيبوا كل واحد ستميت جنيه معاه

  مع تحياتى :علمااا الموضوع منقول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin


ذكر عدد الرسائل : 79
العمر : 31
الدوله : 0
الدوله : 0
تاريخ التسجيل : 11/12/2007

مُساهمةموضوع: رد: رخامه وانتا في الكلية (منقول)   الإثنين ديسمبر 17, 2007 1:08 pm

تسلم اديك يا مان ومنور المنتدى كله

ونرجو منك المزيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://starlove.ahlamontada.com
nour222

avatar

عدد الرسائل : 2
الدوله : 0
الدوله : 0
تاريخ التسجيل : 11/12/2007

مُساهمةموضوع: رد: رخامه وانتا في الكلية (منقول)   الأربعاء ديسمبر 19, 2007 1:47 pm

ههههههههههههههههههههههههههه
دي رزاله درجه اولي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hiysam_DJ



عدد الرسائل : 18
الدوله : 0
الدوله : 0
تاريخ التسجيل : 12/12/2007

مُساهمةموضوع: رد: رخامه وانتا في الكلية (منقول)   الخميس ديسمبر 20, 2007 10:41 am

يسلملى رئيك في الرزاله ينور بجد نورتينااا
واهلا بيكى معانا على الهواء
مشكوره جدااا على الرد
وتبعي مواضعنا هتستفادى اوى في جميع المواضيع
تحياتى كروان الليل :هيثم عادل
DJ ART MUSIC
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رخامه وانتا في الكلية (منقول)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: القسم العام :: كلام فى الممنوع-
انتقل الى: